Vff Eynen Gartt(en) so von Schoff(en) Deysen
 selig(en) LeibZüchtt her rüredt So ehr Zu seyner
 Erst(en) Frawen Metz(en) selig(en) beKomen werden
 hinwid derümb Ingesetztt als Erbenn.
Hanns Chrißman Fünff Milchor
 Philipsen selig(en) Kind(er) von Heuchelheim Elias 
 vnd Hans German daselbst Johannes
 Loh, Veltins Baltzer, Veltin Chrißman
 Gottfridt Jorg Chrißman Henn Lo.
 weg(en) seyner Dochter Erster ehe ( heintzge 
 Zu Düdenhof(en) Jacob vnd Johann Zu AtzsPach
 wollen hierin Kein antheil nemen.) Also
 verbleybtt diese drey theil den JungKh(er)n vnd hoiffl(euten).
Veltin Chrißmann würt Gerichttlich vnnd
 Erblich Ingesetztt nach gewonheitt dises gerichts
 Inn das Lachen wisgin des Neundtten
 theill   So Ihm Jorg seyn Brud(er) verkaüfft.
 

Johann # Volck würdt Gerichtlich Ingesetztt In
 die andern voigtguth(er) So g(enan)nter Er Johann
 von seynem obg(enann)ten Schwagern Heyett(en) deißen
 Erb(en) erkaufft Ime Johann Erblich(en) gelaß(en)
 mit Irer gePürend(en) beschwerungK.

Johannes Molich hatt eyn Voigttacker eyn
 Sodel acht Rüd(en) Inn d(er) Allendorfer Awe
 Erblich(en) vmb sein Schwager Johann Mohrn
 erKautt gildt Jerlich eyn Seffter voigtt
 weiß.

Hanns Peter Zu Leigsternn.
Hanns Donges Zum Lindes.
Bernhardt vnd Johann Faulstich Zu Anrode.
Catharina Ir Schwegerin vnd Stifschwiger.
Hanns Schöfer Zu VolPershauß(en).

                     Kleyne Insetz
 

                            Erkennett
 Eyn Erbar Schöffe      Das Er Johann
 Ihnen sobaldt vff Ire Klage anttwortt
 Zugeb(en) schüldigk sein soldte.

Vff Klag vnd antwortt Henchrich(en)
 Volck(en) et Consort(en),   So dan Johann
 Germans,     ErKennet Eyn Erbar Gerichts
 Schöffe Dweill sich BeKlagtter offentt
 lich [ver=gestr.]horen laß(en) das Clager Ire voigtt
 guth(er) Zuuorauß,  So der gleich(en) dan hin=

 widderümb BeKlagtter Ides theill Ire Voigt
 gutter vor vbergebenem vnd bewilligtem
 verdrage behald(en) sold(en),        Konde diß
 Beklagter beweysen, soldt gehordt vnd
 forthers erKennett werd(en) was billich vnd
 rechtt sein woldte.

Vff anstellenn   Das Henn Lo seinen
 gerümbdten Posses beweysen,   od(er) dem
 Klager Valtin sein Floß vnûer drangtt [unverdrängt]
 auszugehen verbleyb(en) soldte  p   Erkent
 Eyn Erbar Schöffe     Das soldte Beklagt(er)
 Henn Zwüsch(en) nehist(en) Gericht seynen berümbd(en)
 beweisthumb ausbring(en),  oder Derhalb(en) bey vnsers
 Gerichts Vogtt Jung Khern das gegentheil
 eyn Gericht ans(?)[etwas kurzes Gestrichens] erlang(en).

Hanns Ped(er) Zu Leigstern württ Gerichttlich
 Ingesetztt In das Voigtt guth so ehr vmb
 seynen Brûder Dongesen Erblich(en) gedauschett.

Als dißmals Dorch vnsrer gePietend(en) JungKh(er)n
 vhngelegenheitt weg(en) Das Gericht nicht hat Kond(en)
 Porsonlich besüchtt werd(en),    Zu dem das die
 Sch(u)l(thei)s(en) Das Gericht verdinget wilchs gleichswohl
 Erst so Kortz vor diesem Gericht widder ab Kondigt
 Als wollen beyd(er) vnsrer E. JungKhern wyr
 beyd(en) Sch(u)l(thei)s(en) sofern Ingeteilligtt hab(en) Zu disem
 mahl.  Da das Gericht ahn dem Gelde so diß
 mals vff den tischs gefalle volg(en) laß(en) wöld(en) Das
 Dann Gemeyne Hausgenoß(en) mit vbriger beschw(eru)ng
 sold(en) erlaß(en) werd(en).
ErKennen vnd woll(en) allen Hausgenoß(en) vnd
 vmbstandt da es nicht Ides Jahrs bescheh(en)
 soldte wolden sie lieber bey ald(em) brauch gehald(en)
 vnd gelaß(en) werd(en).

Baltz(er) Deüffels beyde Sohn Jonas vnd
 Niclaß werd(en) voigtman vff Ires Vatters
 selig(en) nachlaß.

Gottfrid Chrißman württ Gericht
 lich Ingesetztt Erblich Inn Etzlich Rud(en)
 Krauttlandt  So ehr ahn Im selbst vmb
 seynen Schwager Valtins Baltzern, vor
 Zehendt halb(en) guld(en) Erblich erKaufft
 gildt sein gePühr mitt andern guthern
 Inn der Gerichts JungKhern voigtweiß
 Bede vnd Zehenden.

Jacob Christman würd Ingesetz Inn d Aldtmutter ahnerstorb(en) voigtgüth.

Baltzer Niclaß Zu Alndorf würt Erblich Ingesetztt In 1 Pläcklein lands ahm Eyrsheymer weg mit Johann Volck Zümaß(en)(?), den 1. Plack(en) hind(er) dem Chelschneider Stück ahn g(enann)tem Johann (?)Mitt Ins vffs 1/4 theil zumaß(en), Mitt seynem gePührend theil voigttweiß , vnd Schwobachs haber Sünst was erblich herbrachtt. Vor 10 - f.

Jacob Gerhardt württ In j morg(en) vhngefehr vff d Geuben Ist eyn anwend(er) Mitt Baltzern vnd Vlrichs Johann Zumaß(en) So ehr ahn Enners Volck schuldt vor. 15. f. genommen. Gildt Jarlich Inn (Im?) dj 18 mest(en) So dem Stifft geg(en) wetzflar geb(en) Sünst Erb angehorige beschwerüng, Ingesetztt.

Johannes Lo würt Ingesetztt In eyn Stuck wießen Im Sawern trischs So ehr von CasPar Lo Erblich vmb eyn Summa geldt erKaufft mit seyner Erbherbrachten gerechtig Keit des Volcken Korns.

Just Hofman Pfarh(err) Zu Lutzelind(en) würt Ingesetzt Inn dj Güther So ehr Erblich schüldhalb(er) von Milchior Volck seynes Bruder Enners weg(en) / wie die geschetztt word(en) nemen müß(en) Ist dz theil So von Geitz(en) (Beitz?) Ench(en) herürd Voigt güth vhngefehr 10 Rüd(en), dann j v(ierte)l obendigk Lo Crein Crauttgard(en) Gleicht mit Johan Volck Gildt sein gePürend Pfochtt. Erblich(en).

Johannes Groß Sohn Baltzer Groß. Dann seyne drey dochtter Männer Er Johan SeyP Sch(u)lmeister Zu Lind(en). Er Fredrich Loß Burger vnd Gerichtsschoff Zu Giß(en) Caspar Moller Zum Lindes werd(en) Gerichtlich Ingesatztt Inn alles voigttgüther So ermeld(er) Johannes Inen Erblich vbergeb(en). Ermeld(er) Er Fridrich Loß, als ehr Inn der Erbtheilüng So aüch sein g(enann)ter Schwager CasPar Keyne Voigtgüth(er) So Inen wißlich vnderhanden, Inn Irer vergleichung bekomen verZeyh(en) vff den hoiff doch mit vorbehaldt Da Inen weitter als sie Jtztt nit wiseten voigguth darin In Iren güthern geZeigtt werd(en) mocht Dem voigthoff sein recht vnd volg(?) Zuthun.

Zum Gerichts schopffen diß Gerichts IngeZogen. Crist(en) Abraham. LodwigK Gobell, vnd Jacob Gerhard

Just Hofman Pfarh(er)r Zu Lützellind(en). Ist d(er) selbig(en) Pfar halber vor 20. f. Dann dafohn vor 4. Jahr Pension JuJ...(?) ij. v(ierte)l vff d hayer (hager?) ahn Henrich Volck(en), In 1 v(ierte)l vffm berg ahn g(enann)tem Henrich, Vnd eyn Virtell vff d(er) Laymencaüth(en) ahn Niclas Baltzern alles vhngefehr, vff der G. E. Vnd E. aller Gerichts JüncKern erKauffen Ingesetztt. Vor g(enann)te haupttgeldt vnd erschienen anstand Pens daran Zuerholen.

Eynsätz diß Gerichtt als Frumbdte mit groß(em) Insatz. Mack Jacob. Jacob Mühlich vnd Pomer Jacobs 6. Kind(er) Zu Lützellind(en).
Er Peter Mack Pfarher Zu Lang(en).
Johannes und Ench(en) Johans Mack(en) selig(en) hinderlasene Kinder.    Alle Hench(en) Mack(en) Erben

Johannes Eckertt von Leigstern. wurd Voigtman In das voigtguth von Johannes SeyPenn selig(en) verlaß(en).
 

Henrich Volck württ Erblich erkennet In alles voigt guth So ehr vmb Reinhard vnd Johanß(en) Faulstich erkaufft daß sie verkäuffer Zu Allendorff nichts vorbehald(en).

Johann Lo von Lutzellind(en) wurtt Erblich(en) Zu diesem Gericht Ingesetztt Inn Etzlich guther So ehr vmb Ern Just Hoffman Pfarher Zu Lutzellind(en) erblich erKaufft Mitt namen eyn Plack(en) wieß(en) Inn der awe. vor. 32 f. eyn Placken land hinder Alndorff ahn Im Kauffer selbst vor 16. f. dan den halben acker ahm Lutzelind(er) Clebech beneb(en) baltzer Groß(en) vor 25. f., Ein Plack(en) lands Inn der Aw ahn Docken Erb(en) vor 15. f. Vnd Ein Sodell obendig der Zechweide Ein anwender vor 10 1/2 f. alles Franckforth(er) werung Die ehr Im verkauffer ahn barem gelde vff Künfftige V. Martinj erleg(en) oder verPensioniren solle.

Voigtgericht gehald(en) A° p 90. Mondags
Pg Quasi modo gtj.
[Der Rest der Seite ist leer!]

Voigttgericht gehald(en) Anno p 91. Mondags
Pg Dca in albis. nach hehrkomen.

Johann Volck hat Erblich verKaufft,  ein schlußt(?)licht Morg
 ahn Johann Vlch(en) It(em) am Lang(en) Morg(en) am Kaufer selbst,
 Der dritt ahm walters Born vffm Berg auch am Kaüffer
 Christ Gerhard(en), vnd seynen Erb(en). geld(en) Jarlich drey
 Mesten Korn Ins Volcken Korn    So aüch ob Ihm ahn
 diesen Pfochtten vnd Chrißmans Zinßen geburen
 wurde Jarlich Zuuericht(en) Vmb vnd vor 64. f.
 Darüff ver Kaufer Erblich(en) verzogen(verzeyen?) vnd diese Kauffer
 vor sich Ire Erb(en) Erblich Ingesetztt vnd gewerett.

Volcken Henrich versetztt Ein wisPlacklin am Lang(en)
 wisg(en) mit seyner Erbeschwerung, vor 15 - f. Nach
 Lands ablosung Peter Sawern von Dudenhof(en).  Ist
 vff sein Pfandrecht mit Recht Ingesetztt.

Johan Volck verKaufft Erblich(en) Ein wißPlacklin Im
 Klein Ogang  j v(ierte)l. 14 Rud(en) Sey[? gestrichen] It(em) ein Placken
 Land Im Born grab(en) ahn Gerhards Jacob(en) ij V(ierte)l. 6. R.(uden)
 Soll dauon gePürend ErbPfochtt geg(en) Wetzflar In Bate(?)
 hoiff vnd ander beschwerüng dauon entricht(en). Sey
 nem Sohn Johanneß(en) vnd seynen Erb(en), vor
 Zwantzigk Einen Reichsth(aler) vnd Zeh(en) Batz(en), Iden Reichs
 Daler vor 18(28?) batz(en) gelegtt Ist darin Erblich wie
 recht gewerett. 

Idem Johan ver kaufft gtem. Sohn wid(er)Kaufflich
 j v(ierte)l vhngeüerlich In d(er) Grüben, vor Achtt
 guld(en) drey albg.(albus) mit seyner gePürend theil Erbeschwe
 rung:   Soll dem Vatter vnd Mütter der
 widderablesüng nach Landgewonheit gonnet werd(en)
 Ist darin nach Hoiffs recht erKennet.

Jacob Wittel vnd sein Hausf(rau) verkauff(en) Erblich Ein
 Placken weingarthens hinderm Eyergarth(en) vnd ein
 virtel Acker vffm Trischs ahn Niclas Baltzers Kind(er)n
 gild sein gePurend ErbgerechtigKeit In voigtweiß
 vnd and(er)st.      Just(en) Hench(en) Zu Alndorff   vor 14. f.
 Ist Erblich darin nach hoiffsbraüch erkandt.

VolPracht Bechtoldt von Dudenhof(en) wurt mit holtz vnd halm Als voigttman Inn Niclaß Deuffels selig(en) seynes vorfaren Voigttguth Ingesetztt.

Johan Hederich Zu Watz(en)born VerKaufft Erblich sein Voigttgüth, Enners Hederich(en) Zu Leigstern seynes Brüder, das ehr damit seynem will(en) nach ge Poten moge. Ist Gerichtlich gewerett.
 

Donges Henckel von Leigestern thut Ein Klage vff seynes Bruders seligen Johannes hindrlasene Voigttgüther, Vnd dz sie Ihm nach Voigtgüths herbracht(em) brauch Als Stamm vnd Bluds Erb(en) billich sold(en) mit Recht Zuerkennet werdenn.

BeKlagten Johannes SeyPen selig(en) Erb(en) Rühmen sich eynes verdrags, vnd das Donges Clager Endlich vmb alle anforderung mit 3 1/2 hund(er)t güld(en) abgewiß(en) wehr, Odder dz Er Donges die gnte. vierdhalbhund(er)t f. widderümb Inen erleg(en) Dan mit Im vmb diese güther recht(en) soldte.

Donges dageg(en), sagtt Er Klag Als seynes Brud(er)s selig(en) Nehister Bluds Erb, Allein das voigüths halber Vnd dz Im daselb Nach Voigthoiffs recht gePüren solle, stellet Zu Rechtt:
 

Vff Klag vnd Antwortt Donges Henckels ex(?) aducr / a Partis Erkendt. dz alß sie Beklagtt(en) sich verdrags gerümbt das der selb beygelegtt, gehordt, vnd darüber weitter nottarfft(?) nach solle vff Ir Inbring(en) geurtheldt werd(en).

Vff Inrede Hench(en) Frech(en) selig(en) Kind(er) dz sie verhofften nicht mit Groß(em) Insatz Voigtman Zuwerd(en) schüldig weren: ErKennt, dz sie es schuldig weren.

Vff dj Vbergabe So Peter Sawer diß Gerichts seyner Haüsf(rau) gethan ErKennet Ein Erbar Gerichtt vor mechtigK Es werde dann Zwüsch(en) heut Dato vnd Jahrfrist mit Rechtt demselbigen widdersproch(en).

Donges Henckell Pitt dj Anklagtte Voigtgüth(er) seyner Klag nach In (?)Jzquester Zuerkennen Item vnd dweil Johannes SeyPen Nachfahr Johannes Eckardt, mit Clagend(em) Dongesß(en) In rechtfertigung gang(en) Begert Clager, da Ihmands weitter (als Itztt Johan Eckard vor sich vnd seyner Hausf(rauen) weg(en) angelobtt vnd Ingang(en)) heut od(er) morg(en) hiegeg(en) In anlang(en) dz ehr denselbig(en) gahr kein gehor geb(en) woldte.

Chrißmans Erb(en) Zu Alndorff Lutzelind(en) vnd anderst werd(en) Gerichttlich Ingesatztt Inn Ein Morg(en) ackers vffm Allndorffer Berge geleg(en), So vom Jung(en) Chrißmans Jacob(en) selig(en) Inen vfferstorb(en).
 

Mitt Rechtt erKant Das Johannes Lo soll Jahr vnd dag, geg(en) seyne Inrede vff Christ(en) Gerhards ErbKauff bescheh(en), daZu Zuthun Zeit hab(en) soldte.

Gerichttlich Ist Gottfrid Chrißman Innen Acker vom Jung(en) Jacob Chrißman von Lutzellind(en) selig(en) vfferstorb(en) sein vnd seyner Geschwister weg(en) Ingesetztt. Vnd heldt der Acker vhngeuor ein Morg(en) ein Anwend(er) vffm Berge stost ahn Gieser wegk.

Voigtgericht gehald(en) Anno p 92
Mondags Pg Quasi modo p
                                                       Grose Einsatz bescheh(en).

Johannes Mercator Schulmeister Inn seyner Hausf(rauen) voigttguth(er).

Mebs Bieraw Burg(er) Zu Gieß(en) In seyner Hausf(rauen) güth(er)

Als diese Clagende Person von Schly. angelangt worden dem Gerichtt Eyn Bürgen Zusetz(en) vnder denen Voigttgenoß(en) Dafohr Sj Clager gebeth(en) vnd Bewilligtt Das sie alles was [Iden(?) = gestrichen] Den Gerichts Junckern [vnd = gestrichen] Schly. Schopff(en) vnd Hausggenoß(en) thun vnd leist(en) wold(en) was voittbrauchs Rechtt vnd billich sein woldte. Vnd diß bey verPflichttung vnd vnderPfande aller Irer Narung vnd Beforab dweil sie nicht außlendisch(e) Sond(ern) Insitzende NachPar Im Lande weren.
Als hab(en) Beyde Schly. auß Beyden Stemme Enners Bapst(en), vnnd Leuckeln Johann von Dudenhof(en) # bey wilchen gnte. Schly. vnd Gericht, erforderung d(er) PillickKeit vnd der gePür Zuerleg(en) bescheh(en) solle welche dan daruff beyd(e) Schly. ahn Gerichts stäb griff(en) vnd rechts Hande geb(en): Doch Das Inen die andere mitt austehende Person Ider seiner gePor nach Zuerleg(en) schuldigk weren.

Als ObeZeichneten Clagende Erbenn Dorch Iren Procuratory Ein Clag yff Johannes Groß(en) Zu Lind(en) dieses kaufften Gerichts dags Inbring(en) laß(en) gemmegl(??) wann dann Eynem Erbarn Gericht wißlich das gnter. Johannes vor 4. Jaren sich aller voigttguth(er) vereusert vnd seynen Kind(er)n wie bey Gerichts actis Anno 88 Züerseh(en) vbergeb(en): Vnd ob wol diese gedachtte Clagende Erben wie Erst dorch dieses Gerichts Schly. gntem. Johanneß(en) Zü diesem Gerichts dage Citiren laß(en) vnd verstendig(en) woll(en) geg(en) Inen Clagend(e) Erb(en) wo dorch sich selbst od(er) volmechtig(en) Zuerscheynen, vnd vff Ire vorhabende Clag gePurliche anttwortt Zugeben, Ehr sich aber vff gnten. Schly. vorbring(en) # (dweil ehr kein voittman wehr) Zuerscheynen gewegertt. Daruff ehr aber dorch Hessisch(en) Schly. hieher Citiret ausenPleybtt # [am Rand: # seynen Dochter Mann aber Hessisch(en) f. gePors halber Inen Zuentschüldig(en) hyeher gesend,] ErKennet Ein Erbar Gerichtt Das dieses Gerichts dags uhnkost Ingesteldt vnd bey Endorthell [Endurteil] verbleyb(en) dann darüff ferner erKennet werd(e) was recht vnd billich wehre.

Anno 92 Mitwoch vff S. Andreae Obendt dz. 2.                 
GeKaufft Voigtgerichtt gehald(en).

Stellenn # [darüber: # nachgehegte Gericht] Zu Erst Ahn Hern Gerichts Schopffenn mitt rechtt ZuerKennen Die Beyde Clagende Erben Sampt Zugehorend(en) Consorten, Ob nitt alles voigttguth bes seynen Rechten Blütserb(en) alleweg gefund(en) werd(en) sölle.
 

ErKennet Ein Erbar Gerichtschopff: Da Clager Erst Inn Irer Klage Person vff wehn, dann [vff Stuck(??) = gestrichen] darinnen sie als ahn Nechst(en) voigttgüth Erben Züsein Namlich Inn Klage Infür...r: Sold gehord werd(en) vnd for ihres bescheh(en) vnd ergehn was recht wehr.

Clagen Zeyh(en) vnd Leun Erben wi(der) Johans Groß Zu Lindn 0d(er) er gntnel.(??) ... will etzlich voigtt(?) guth(er) vnd(er) hand(en) gehapt, welche ehr sey(nen) Kind(er)n vbergeb(en) wj sie selbst vor Gericht gestand(en), welche guth(er) dan von Mack Petern herürend vnd In diß(en) voigtthoff gehorig.
Dweil aber Johans Groß od(er) seyne Kind(er) kein Bluts verwant(e) od(er) Blutserb(en) In solch(en) guth(er)n sein Sonder diese Clagends Erb(en) sag(en) dz sie Mack Peter nechst(neher?) Agnat(en) vnd Bluts Erb(en) sein Dweg(en) Pitt(en) sich mal Recht Zubescheyd(en) Ob solche Voigt guth(er) In nit (vermog vorerkanttem vrtel nach) als nehesten [etwas gestrichenes: vrtell nach(?)] Bluts Erb(en) gebüre wie sie dan verJagt(en)[vertagten??] dz solchs von Euch Hn. Richtern vnd Schopff(en) erkent vnd gesproch(en) werd solle(?) mit erstattens(?) alt(er)(aller?) vffgewendt(en) Cost(en) schad(en) vnd Interesso. Stell(en) Zu recht vnd bitt(en) vmb vrtell doch rechtlichs vorbehaldt.

Beklagten Pitten dieß(er) Clag Copiam. Clager sag(en) dageg(en) dz In nit gebüren wolte dweil dj Claga einfaldig vnd nit (?)wortt laüffigk.
 

ErKennet Ein Erbar Gerichts Schopff vff [anstellen = gestrichen] begerther Clagen Copien p Das solle Erst Beklagtten wj Clager Inn schrifften od(er) In dj fedder Ire Anttwortt geb(en) wie ,,[darunter: zuerst] Beklagte von Clagern begertt hatt(en).

Beklagten Pitt(en) wie ob(en) gebeth(en) vmb Copiam gethaner Clage Damit sich Züerfaren, recht anttwortt Zugeb(en), Damit sie nicht Ja od(er) Nein widder Rechtt geb(en) [köndten = gestrichen].

Clager Pitt(en) bey Geweistem Vrthell sie Inhand habenn. Dauon Beklagtten begeren
 

Als Beklagten sich vernommen vnd Ins Gericht horen laß(en) sie hette Zu (?)MarPürgk Zeug(en) ahngeben
Ihres Ersten troffenen EhePacts weg(en) Zwüsh(en) weylands Petern Macken vnd Anna selige(en) Irs(?) gemachten Ehlichs halber sold(en) abgehoret werd(en).

Clager dagegen sagen Dz B. vhnbillich von Dieß(em) Gericht ausPflüchtt süchen verhoffen, vndt Pitt Mitt Intrags des Gerichts Junckern Letzst gebenen Vrtels nach.
Da sie Zeüg(en) dieß voigt guth halber ahnhorenlaß(en) wold(en): # [die dazu gehörende Notiz am Rand: "nach gerichts gewoh" bricht mitten im Wort ab und ist gestrichen]    Daß diß alhir nach gewonheit dises Gerichts besheh(en) müst.

Be Klag(ten)  Gestehen nicht eynich ausflücht Sond(ern) allein In guthe der sach(en) So ündt Zubekomen des Ehlichs vnd verdrags halben,

Verhoff(en) Clager sie soll(en) gebenem Vltel[Verschreibung; Vrthel ?] nach Pariren
Wilchs (?)denen Be Kl:    also nachZukomen Zufried(en).

Kaufft Voigttgericht gehald(en) Donnerstag
 des 22. Martij A° 93.

Clagend Aduocat [ist teilweise gestrichen; darüber: Ahnw.] Pringt In Dweil B. d(ie) voigt guth(er) gahr nicht In Zusammen gemogert(?) od(er) Inen weg(en) Zulaß(en) vermognen    Pitt ehr Beweysung ergehen Zulaß(en) wie ehr auch Zeug(en) Zubennenn vhnbeshwon(?)    Gibtt Zeug(en) Hans Motn(?) Zu Groß(en) Lind(en).  Item Just Manxes Gerichts vnd voigtschls(en)    Dan den B. Vatter Johannes Groß Zu Linde.
Pitt solche dem Rechtt(en) vnd warheit Zusteuren ihnZu.... (?)steldt das zu Rechtt.

B. laß(en) Zu was dj Rechtt vermog(en)(??)

Vff Erkanntnus d(er) Hn Schls    Das heut Zu achtt dag(en) donnerstags # djse Zeug(en) verhor Zu Groß(en) Lind(en) besheh(en) vnd abgehordt werd(en) sold(e).
Welchs vff wegerung d(es) B, {dz In dz zwl. Ir Fragstuck Zustell(en) Zu Kortz}: vnd vff anstell(en)

Voigttgericht gehald(en) nach gewonheit
Mondags Pg Quasi modo g(eni)tj:  A° 93.

Inn ahnbringen d(er) Sch(u)l(thei)s(en) Dz alle voigtschopff(en) vnd voigt
 man außgehn sich bey eyd(en) vnd Pflicht(en) erkondig(en)
 ob auch alle voigttguther steh(en) bey wehm vnd wie
 dis soll(en) InZubring(en).  bey verlust Irer voigt güth(er).
 

Jacob Molch württ Inn sein Leyhe / (da ehr seynes Brud(er)s
 Johannes Kinder guth enthnommen) eyngesetztt.
Jacob Chrißman Ist erblich(en) Ingesetztt ij Sodel ahm Atzschs(Atzjhs?) acker
 j morgen alles vhngeüehr obig d(er) Zechweid ahn Melchior Gebeln
 So ehr vmb 30. f. vom vatter erKaufft soll sein gePuhr
 der ErPfochtt geb(en).

Zeh(en) vnd Lein(Leun?) Erb(en) laß(en) Stellen ahn dj h(er)en Richtter mitt Rechtt ZuerKennen Da Inen Newlich(en) Zeit Johannes Groß als ahngegebener Zeüg. der Zeug(en) sage sich geweygert ob ehr nit noch vermog Rechttens, billich drümb ehr erfragtt Die warheitt Zu [etwas gestrichenes, darunter: sagen] schuldig wehr.

Beklagtten sagen dagegen Das es Keyserliche Rechtt nirgend ausag(en) werd(en) Das Vatter geg(en) Sohn, Mochtter widder Dochter, Odder dj Kinder wid(er) Ire Eltern ZuZeügen [am Rand: mit recht] erKennet werd(en) sold od(er) Kondt.
 

Vff diese d(er) Zey(en) vnd Leun erb(en) Clag(e/er?) Ald(?): Inbringens. Anttwortt vnd gegeg(en)rede der BeKlagtt(en) Ob vatter od(er) Mutt(er) geg(en) Kind(er) Odder Kind(er) geg(en) Ire Eltern Zu Zeüg(en) ZuZulaß(en) schuldigk weren: Vnd dweil beyde theil Keyserlich Beschriebener(?) Rechtt sich Ides seynes theil vortheylig ahn Zih(en) theil:
ErKennet eyn Erbar Gerichts Schopff, woltens vnsern voigt rad Gerichts Jünckern, (dorch Reichs gelarth(en) odder Inn dieses Gerichts Oberhoiff beschribenen Keyserlich(en) recht(en) nach vmb gebührliche vergeldüng Zuerfaren) (ß)heim weyß(en) (vnd geweß(en) habehen(?)

Erscheynet [darüber eingefügt: A.] Zehh(en) vnd Leun Erb(en) vnd sagt nach dem Johans Groß(en) Kind(er) vnd Erb(en) In Irer Pdnth(Posmt?)(..) des 22. Martij Gerichtlich alhie dises betreffenden Jars vbergeb(en) vnd darin [gestrichen: Ingesetzt vnd] gerichtlich vorbrachtt.

Das Irer Erb(en) 4 seyen, Deren Nohr seyen 2 cietirt Dweil aber Johans SeP vnd Baltzer Groß sich vor diesem Gericht als Erb(en) So diese voigt guth(er) vnderhand(en) hett(en) Ingesteldt, Auch der anderen keyner den voigt hof besucht odder begang(en) vnd also Zeng(en) vnd Leun Erb(en) In groß(en) vhnKost(en) gefürtt Dweil sie aber ehin(?) sag(en) wj Innbracht dz Irer 4 seyen, wissen sich Beklagter (?)ßolst(..?) Zubescheyd(en) dz (?)dise dieselbigen mech(ten?) hier Zu Cittiren vnd lad(en) (?)müsten vnd müst(en) also d(ie?) pecs [pecunia??] vfs nehere angefang(en) werd(en).
Dweil aber aber wj vorgehorte Johans SeyP vnd B. groß sich der gesteldt vnd hj vorm gantz(en) Erbarn Gericht gesagt Dz sie die voigtguth(er) hetten nich dj vordertt(en) wold(en) / auch Ins 3. od(er) 4. Gericht Parirt. Desweg(en) verhof(fen) Clager Es sold in recht erkant vnd gesProch(en) werd(en) Des sold(en) Bek.(lagte) In Recht schüldig sein Inen den bißhero vffgewendten vnd angangenen Gerichts Cost(en) vnd schad(en) Züersett(en) Wz sich dan geburen(?) will dj andern(?) Erb(en) Zu citiren. vnd den pec/ vffs new auZufah(..?) woll(en) sich Klagere Iden Zuil was recht vnd Pitt(en) vmb vrthel. Mitt rechtens vorbehald.

Hiergeg(en) erscheynet Johans SeyP vnd Baltz(er) Groß dj vhngutlich beKl. Pitt(en) vnd begeren, des Clag(ers?) A: [Anwalt, Advocat] Inbringens copiam vnd abschräfft vnd seyne rechta(?)ussage bedenk Zeit Damit sie sich keyner befahr ZubeKlag(en) hett(en) ./ Vnd soldt ...chs Zu Recht ob Inen nit billich copia ZuerKennet vnd geb(en) werd(en) sold. (?)Statt Zu recht Clager admittiren copiam
[Der Schreiber scheint hier genau so wenig Lust mehr gehabt zu haben auf diesen endlosen Prozeß wie ich; die Schrift wird teilweise sehr schludrig.]

Christ Gerhard Erscheynet vor sitz(en)dem Gericht (Als sich Johan Volck beklagtt wie Er Im eyn gang In seynen Garth(en) bey Hormes(?) Hanß seyne gePürend vberwandern verZeynett vnd Zugemachtt hatte) Das ehr Im seyne Notige vberwanderung dorch seynen Garth(en) nach Nottorfft vhnnersPortet(?) vergonnen So dens(?)Vrich(en) aüch daran Frücht von Baymen vberfall zur gePür volg(en) laß(en) woldte. Ist Gerichttlich Erkennet worden.

Kaufft Voigttgericht gehald(en) Anno 93. Des
Mittwochens Pg Jubilate des 9. Maij

Clager vff verleß(en) vrtels, auß d(er?) Hern Schopff(en) ahn gelang(en) ahn voigtt JungKern dorcht Rechts Gelarth(e) erKennen Zulaßen, Ds Johans Groß Zeüg Zusein erkent od(er) nit. Pitt(en) vff solchs vhrtels vhn Kost(en) den BeKlagtten theil ZuerKennen.
BeK.(lagte) sag(en) dageg(en) verhof(en) es soldt solch(e) vhn Kost biß Zu End vthels ZuuerPleyb(en) [zu verbleiben] erkennet werd(en).
Vnd leg(en) Beklagt(e) Ire Responsion vff letzst geb(en) d(em) Clager Klage schrifft In mit E(?) ver Zeichendt.

Vff Clag vnd Anttwortt vnd Beyd(er)seits weittlaufft dings # [am Rand: # schrifftliches so Mundliches] Inbringen Clages Leun vnd Zeyh(en) Erb(en) Anhuw(?Anhate?) So den Johans Groß(en) Erb(en) B. andertheils vff[=gestrichen?] Ihr der Clages bitten vnd begeren Zuerkennen das Erst nicht mehr als Johannes Groß(en) Erb(en) Zwey In Klag gang(en) Doch Irer In actis vnd etzlichs mahls ingezog(en) Inbring(en) vier benamet wörd: Daruff vorhergehend(e) Pecs vhnrichtigk voln Zog(en) vnd deroweg(en) B. allen vhnKost(en) Zuerdrag(en) od(er) Zuwend(en) schuldigk weren p Dweil aber in Gerichts actis anno 88. Zuerseh(en) Das Johannes Grosen Kind(er vnd Erb(en) 4. voigtman word(en): Zwen sich aber sobald ausetz(en) laß(en) vnd vff Ir voigt güth verZeh(en) aüß vrsach(en) vnd wie damals inscrire.     Vnd Itztt Zu dieß(er) Gerichts Klag(e) Baltzer Groß vnd Joha(nn) SeyP In anttwortt gang(en) p. ErKennet Ein Erbar Gericht, als andere beyde Groß Johans Erb(en) dießen voigt hoiff nicht verging(en): dz diese beyde BeKlagtt(en) allein Irer Clag anttwort Zugeb(en) vnd diese sache gerichtlich ausZufüren Pflichtig weren.

Vffs vrthell bey Rechts Gelarth(en) erholett ahm vergangene Gericht denen VoigttJünckern Zuerkennen(?) belang(en) Erkent Ein Erbar Gerichts Schoff Dweil sie Cla: vnd B. damals beyds deselbig(en) erkanttnüs gedancktt Das sie also auch Des vhrthels vhnkost(en) gleicher maß(en) Zuerleg(en) schuldig weren.

Johannes SeyP vnnd Baltz(er) Groß, beyde Zu Lind(en) bfunden sich dieses vrtels beschweret Appellirends Dero weg(en) also bald Im Fuß draph ahn dieses voigt hoiffs Gerichts Junkhern Odder aber da sichs hin gePüren will. Vnd Pitt(en) auch hiemit Ihn des letzst gegebenen vrtels abschrifft sich nottarschrifftlich dann Zuersch(...?)

Ahntw.(ort) Zeyh(en) vnd Leun erb(en) will In begerer appellation weitter nicht geholet od(er) gehe[= gestrichen?] bewilligt hab(en) als In recht gebürt. Dweil solchs dj haupttsach nicht bedrifft, Auch beyde Parteyen angelobt vnd ahn Gerichts stag griff(en) dem Jenig(en) Zu Pariren was Inen mittgedeylt vnd ZugesProch(en) wurde. Pitt gleich(er) gestald [letzten Gerichts = gestrichen] solchen vrtels copiam.

Hiergeg(en) sag(en) B. dz sie Zugesagt vnd angelobt hab(en) sold(en), wie vom Clag(er) vorbracht würt, dz wye(?) von eynem urtel So vns Zuwid(er) gefehl(?) recht Zu appelliren macht hab(en) soldte, Ist man In nicht gestendig Pitt(en) daro weg(en) wie Cla lastsens(?) bey gestald(en( recht(en).

New Voigtman word(en) Adam Hildebrand vnd Johans Heß
 zu Alendorff vnd Leigestern. Hildebrand von d(er)
 Hausfr. vnd der Heß von Eldern ererbtt.

Enner Hederich württ Gerichttlich Ingesetztt Inn
 dj voigthguth(er) So Donges Henckel vnderhand(en) gehaPtt
 Erblich Kauttweiß ahn sich brachtt.

Jacob Lo wurt gerichtlich Ingesetztt In iij v(iert)el vngefehr
 hinder den Seyffen(Segffen?) Erblich Kaufft vmb deysen Niclaß
 Gildt seyn gePur In dj wetzflar Pfocht d(er) MorgenZal
 nach vber Bede vnd Zend(en).

Johans Lo vnd Gottfrid Chrißmann hab(en) Erblich
 Johans das 3. vnd Gottfrid das 4. theil erKaufft
 vmb Caspars Grasg(en)(Grosg(en)?)[Gredgen??] eyn wißPlack(en) held ij v(iert)el
 vhngefehr Inn d(er) Lach(en) wieß(en) an Henrich(en) Volck(en)
 Henrich(en)  Gildt Jerlich(en) Ir gePuhr Behde vnd
 Zehnd(en)   Daruff sie gerichtlich geweret vnd
 Ingesetztt.

          Moller
Peter ,, wurtt Gerichtlich Ingesetztt Inn dj Vatterl
 iche vnd Mutterliche Voigttguth(er) So ehr vmb Christ(en)
 sein Brud(er) erKaufft.

Niclas Moller hat ob(en)g(enan)ntem Vetter Petern dieselbige
 guth(er) Erblich ab Kaufft   Ist auch Darin geweret
 word(en)  Soll sein gePuhrend beschwerung daruff
 dragen.

Hans Volck württ Erblich Ingesetztt In eyn halb
 Sodell  So ehr Niclas Müllern abkaüfft Gild seine
 gePur nach j seffter Korn In dj Volck(en) Pochtt.

Johann Germen Ist Gerichttlich Ingesetztt
 Inn dj voigtguther  So ehr Erblich vmb Steub(en)
 Elß(en) erKaufft  Dauon alle beschwerüng Zuerleg(en).

Christ Gerhardt hat Erblich(en) verkaut Ein Virtel ackers
 vffm vox grab(en), Hanns Volck(en) vor eyn Stucklin
 wiß Plackens ahn d(der) Groß(en) wieß(en) # ahn Im Christ(en)
 selbst geleg(en), doch das Ider seyne vorige Pfochtt
 drage,  Behde vnd Zehnd(en) aber Pleybt vffm Bod(en).

Enners Hederich voigtschoff(en) IngeZog(en).

Voigtgericht gehaldtenn Anno p 95
Mondags Pg Quasi moto gtj.

Vff anstellen Gerichts Schlß. ahn Schopff(en) vnd alle erschiene vmbstehende Voigtman, Ob auch Alle voigtguth(er) (ald(em) herkomen nach.) In seynem Cirk von Stein, Baw vnd weß(en) Stünd(en), Odder da was darin vereüsert od(er) ahn andere Person Komm, Alhie gerichtlich(en) vnd sunst was billich wehr dieß(em) Gericht Zuerinnern, Vnd Gerichtlich(en) InZubringen.
Daruff Schopff(en) vnd alle hausgenoß(en) voigtmann Auß, vnd Inn Rath vnd bedacht gang(en).
Bring(en) verenderung der güther ein wie volgtt:
 

CasPar Seyp würt Gerichtlich(en) Erblich Ingesetz Inn eyn Placklin wieß(en) vhngeuehr vmb 26 Ruden Inn der Newen wieß(en) So Im sein Brud(er) Johannes vor ein Summa gelds verkaüfft, der Summa ehr Kauffer beZeldt word(en) Ist Pfocht freij, Ist In dieß(en) Kauff gerichtlich ErKennet.

CasPars Lohen withwehen mit toid abgang(en) Erbe Ire Kinder. Hat Niclas Ir Eyd(am) alles güth vmb andere seyne Geschwager CasPars selig(en) Kind(er) erblich erKaufft. Ist verhoffens Ehr sold allein vff solchs voigtgüth den Junckhern vnd Gericht gePuhr Zuthun schuldig sein vnd die andern Kinder ledig gelaß(en) Dweil Irer Keynes Ahn voigt guthern Erblich(en) behald(en) od(er) genoß habe: Sennd dj andere V(er)Käuffer gemein Insatz Zuthun willigk. Allein Pitt Niclas Käuffer Ingesetztt Zuwerd(en) wie ehr darin Erblich gewerett.
 

Johans Lo hat Erblich ij v(ierte)l acker ahm Zuß(en) Morg(en): Item j v(ierte)l Im Borngrab(en), gild sein gePür Pfocht dz erst stuck In der Jungkhern Pfocht, dan das ander Pflecklin Im weiß was seiner gePuhr nach gePürth (gild dz virtel der hube Lands In voigtweiß ein Mest) vmb Niclas Lahm, vor 32 f. die d(er) V(er)Kauffer sagt empfang(en) hette, Ist dieß(er) Kauffer darin Erblich geweret nach gewonheit Hoiffs vnd Gerichts.

Christ Lo würt Ingesetztt, In eyn Placklin acker ahm Cleberg
 beneb(en) Baltzer Groß(en)   ij v(iert)el wiß(en) In d(er) Alndorfer ahw ahm
 wege,   daselb eyn Sodel acker ahn Lodwig(en)  j Sodell bey(?)
 der Zechweyde.   So ehr von der Motter vbergab bekomm(en).

Christ(en) Gerhards withwe Ist erKand In den versatz eyn Kräutgärthg(en) In d(er) Gens weyde hind(er) dem helg(en) heuß So sie Hans Hench(en) von Lutzellind(en) vff widerloßens vor Zwolff güld(en), Landgewonheit nach versetztt.

Johannes SeyP Ist gerichtlich vnd Erblich Ingesetztt Inn alles Voigttguths drittetheil So ehr mit seynen Schwagern vmb Iren Brüder vnd Schwager Dauid SeyPen Erblich erkaufft.

Johan Hayrth Ist Inn gleicher maß(en) obgnten Schwagers Erblich(en) Inn Dauid verkauffte voigtgüth als Kaufer erKantt.              Dweill aber M. Tobias Stockheuß(en) nichts gründliche bericht bekomen In solch(en) Mitterbkauff wo ehr von Dauid(en) Voigtguth hette p will desweg(en) dem Gericht vnd hoiff nichts (?)Fbgebroch(en) sondern bewilligt hab(en) drümb Zuthun was billich Da Im von Dauid(en) Voigtguth Zbekomm(en) benamet würdt.

Als Anno 90. Jacob Pomers 6. Kind(er) Voigtman word(en) vnd der Kind(er) Eins verstorb(en) Ist dj Frag. Ob daselb anerstorb(en) deß(en) Vatter od(er) dj Andere Geschwister beerbet habe.

96 Voigtgericht gehald(en) Mondags Pg
Quasi moto gtj des 19 tn Aprilis.

Vff ahnstellen d(er/es?) Schlß. Obauch nach ald(em) H(er)komm(en) vnserer Jungkhern voigt guth(er) In weß(en) Es(?)sen(Elsen?) vnd recht(em) Prauch steh(en) wie billich.
 

Vff Inlegens Eynes Briff dorch Jorg SeyPen von Lind(en) gerichttlich(en) Ingelegt.       ErKent eyn Erbar Gerichtschoff Dieweill Johan German Im Jorg(en) odder seynem Schwehr der vffgericht(en) Pension nit In abend(en): Auch handreich(?) derselb(en) empfang(en)
Daß sie Damit Zufried(en) sein sold(en): Da In aber ahn derselbig(en) Pfocht Inrad(?) beschehe. ehr Clager dan vffs Hauppttgeldt, odder das voigtguth als vnderPfand Clagtte, soldt(en) sie wie recht darumb bescheyd(en) werd(en).

Johannes Lo württ gerichtlich Ingesetztt In die drey theil So von Johann vnd Jacob von AtsPach dan Jorg Chrißman von Lind(en) dem Gerichtt vffgeb(en), Eynes ackers eyn Ahnwender stost vff den Gießer weck, p

Hiergeg(en) thut Gottfrid Inred: Mitt begeren vff vorgeschriebene dreytheil Zu seynem halben theil auch Ingesetztt Zu werd(en) Vnd geben diese 3. theil Jarlich(en) ein Seffter Voigt weiß den Gerichts Jünckern.

Gottfrid Chrißman wurtt In maß(en) beyde Vrtell vermeld(en), Inn dj 2 Plack(en) gerichttlich(en) erKennet.

Diß Gerichtts Ist Jorg Harth(en) Ein Ingeldtter Brif vber Jarliche Elff Mest(en) Partie(?), mechlich erKennet.
 

Veltenß Baltzer Zu Aldendorff Gerichtlichen Ingesetzt
 Vff etlich Vögt Gutt, so er Vmb Veltenß Christmanß Kinder
 Vormunder Erblichen erkaufft.  Irstlichen ----- j. Morg(en) ackerß
 beij der Zechweid ahn Conradt Volcken Vor ----- 14. f. Kaufgeld
 Item ---- j. Sodel ---- 10. R. Vhngefehr ahn der Scheijben ----- 11. f.

                             NB.
     Peter Saur Zu dudenhoffen mit Johan German Contrahirt
    eineß ackerß halben Versatzweise, Ist noch Im Zweiffel
    ob der acker Vogtgutt seij, Vndt daß Versatzgeldt ---- 22. f. C/Rand/...

Ahm Attich acker mit Loh Heintzen Erben gelegen. So er Vmb Johanchen Volck seinen Schweher Vmb ---- 110. f. Kaufgeldt Erblichen erkaufft, Geben Jarlich beburliche pföcht.

Johannes Loß zu Grossen Linden, Gerichtlichen Ingesätzt, In die von seiner Mutter Zur Breudsteur vbergebene Vögt Gutter.

Gerichts Schöffen IngeZogen, Enderß Volck Zu Aldendorff, Mit vfgelegtem Eydt vndt pflichten, wie gewonlich ./.

Vögt Gericht Gehalten Montags Nach
Quasimodo geniti, Ao – 1602.
 

Engel Hanß Krögken hinderlassene Wittib Gerichtlichen Ingesetzt – In – ij. Sodel ackerß Vff die Susbach stossendt In Grossen Linder termineij ahn Käufferin selbst gelegen, So sie Vmb Johanniß Krögken Kinder Vormunder,vmb Diedtrich Huncklern, Vndt Hans Krögken Kinder Vormunder Zweiter Ehe, Vmb – 12. f. Erblichen erkaufft, Vndt Vff den Vögthoff gehorig. /

Gerichts Schöffen Ingezogen, Johanneß Loß Burgern Zu Grossen Linden, Mit vffgelegtem Eijdt vndt pflichten, wie gewönlichen:/
 

Vögt Gericht Gehalten, Montags
Nach Quasimodogeniti Ao – 606.

                            Aldendorff
 

Johannes Jung von Steinbergk, Gerichtlichen Ingesetzt In seiner Haußfrawen Crein , Henchen Willen hinderlassene wittwen zu Aldendorff, VögtGutt, In Aldendorffer terminey gelegen.

Gericht Schöpfen Ingezogen/ Milcher Burgk Zu Aldendorff/ mit vfgelegtem Eydt Undt pflichten.

Gericht Schöpffen Ingezogen Johanneß Herten, Burg.(meister?) zu Linden, vndt Jacob Lohenn zu Alldendorff Mit vffgelegtem Eydt vndt pflichten:/.

Mit Nahmen,         Velten Burgk,  vndt   Johanneß Heß
von Leigestern,      Wie dan auch Baltzer Christman
Zu Aldendorff,     Vorgeschlagen Vndt ahngeMeldet
Welche auch mit vfgelegtem Eijdt Vndt Pflicht ahngenommen
     vndt darzu admittirt word.

                               Lutzelinden
 

Crein, Deiß Gerhardtß Vormunder, Johanneß Kauß vndt
 Johanneß HosPach Zu Lützellinden, Gerichtlich Ingesetzt In
 Ihr Ahntheill Vögt Gutt So Ihrer pflegdochter von Hanß
 Christmanß seligen hinderlassen wittiben daselbst Ihr Altmutter
 bey Lebenß Zeitt frey willig ubergeben worden.

                                    Leigestern